Muloyim ko‘chasi

Kavsar Turdiyeva

Muloyim ko‘chasi

 

Sehrgar tushib pastga,

Nimadir dedi asta.

O‘shandan buyon doim

Mening nomim muloyim.

 

Bizda tuzilgan lug‘at

Eng yaxshi so‘zdan faqat.

Salom, hormang, marhamat,

Salomat bo‘ling, rahmat.

Qor parchalar

Kavsar Turdiyeva

Qor parchalar

 

Qor parchalar, parchalar,

Oq kiyadi archalar.

Qir, adirlar, qo‘ralar

Oq kiyimga o‘ralar.

Qish yaqin

Rauf Tolib

Qish yaqin

 

Quyonga dedi Ayiq:

— Buncha shoshasan, qiziq?

— Qish kelar qilich qayrab,

Qandoq o‘tiray qarab?

 

Qish g‘amini yeyapman.

—To‘xta, nima deyapsan?

Qish degani bir kecha…

— Unday emasdir hecham.

Qorqiz

Anvar Obidjon

 Qorqiz

Yo'laklarim - olmos qor,

Ko'ylaklarim — olmos qor,

Sochlarim ham olmos qor,

Tojlarim ham olmos qor.

 

Oqqina oqqush-oqqizman,

Qorbobo qorgan qorqizman.

Yo'ymang meni sho'r tuzga,

O'xshatmanglar g'irt muzga.

Qor

Hamidulla Yoqubov

Qor

 

Qor, qor, qorlar,

Atrof porlar.

Yilt-yilt nurdek,

Oppoq undek.

 

Shakar undek,

Shakar, desam.

Agar yesam,

Og'rir tishim.

Qor havosi

Nurullo Oston

Qor havosi

 

Qor havosi ufurar,

Shamollar yer supurar.

Uchar so'nggi xazonlar,

Tussiz bog'-u biyobon,

Qish sabog‘i

Abdurahmon Akbar

Qish sabog‘i

 

Shimimda to’rtta cho'ntak,

Paltomda to'rtta cho'ntak.

Birma-bir kirib chiqar

Bariga ikki qo'lim.