Xurshid Davron
Men ertaga juda erta
Tinch uyqumni buzaman,
Oq ko’ylagim kiyaman-da,
Dalalarni kezaman.
Behi
Anvar Obidjon
Ikki yuzim burushqoq,
Dema meni urishqoq,
Ishga solib aqlimni,
Sezdirmayman jahlimni.
Yungli shaftoli bilan suhbat
-Shaftolijon shaftoli,
Nega to‘ning echmaysan?.
Issiq saratonda ham ,
Yungli to‘ndan kechmaysan.
-Bir kun echdim to‘nimni.
Aqli yo‘qlar echarkan.
Saratonda shamollash
Juda og‘ir kecharkan.
Kasallikni quvamiz
Erta turib tong sahar,
Tishimizni yuvamiz.
Tishlarning orasidan,
Mikroblarni quvamiz.
Xushbo‘y hidli sovunlar,
Qo‘limizni yuvamiz.
Barmoqlar orasidan,
Kasallikni quvamiz.
Jazoladim echkimni
Rahmat aytar daraxtlar,
Qarsak chalar teraklar.
Ularning ham joni bor,
Ular bizga keraklar.
Avaylayman daraxtlarni,
Shoxini sindirmayman.
Shirin jonini og‘ritib,
Ko‘zini tindirmayman.
Meni kechir xo‘rozim
Xo‘rozimni cho‘miltirdim,
Sovunlab qo‘lim toldi.
Xo‘rozimga yoqmadi bu,
Dakanglab qochib qoldi.
Tobi qochdi xo‘rozimni,
Shjamollab qoldimikan?.
Majburlab cho‘miltirganimni
Ko‘ngliga oldimikin?.
Mushukning sartaroshi
Mushugimning mo‘ylovini
Qirqqan edim yashirib,
Buvim rosa koyidilar,
Bobom so‘kdi oshrib.
Dadam ushbu qilmishimni,
Ishdan kelib ko‘rdilar.
Etmaganday ular rosa,
Ta’zirimni berdilar.