"Navro‘z"gacha: 21 kun qoldi
Dono qiz
O‘zbek xalq ertagi
Bir bor ekan, bir yo'q ekan, qadim zamonda bir podshoh bilan vazir bo'lgan ekan. Podshoh vazirini juda yaxshi ko'rar, uni hammadan yuqori ko'rar ekan. Bu holga saroy ahlining ko'pchiligi hasad qilar va podshohga vazirni yomonlar ekanlar.
Kunlarning birida podshohga, "Vaziringiz kaltafahm, uncha-buncha narsaning fahmiga yetavermaydi", — deb yetkazibdilar va buni tekshirib ko'rishni so'rabdilar. Podshoh vazirini sinab ko'rmoqchi bo'libdi. U vazirga, ikkita savol beraman, qanday javob berar ekansan, debdi.
O'lka
Erkin Vohidov
Bog'laringni sayr etganimda,
Sen bor eding qalbda, Vatanim.
Bog' husniga she'r bitganimda,
Uni dastlab senga atadim.
Karim chumolining tilini bilarkan
Bugun bolalar bog'cha opalari bilan dalaga chiqishdi. Bahor emasmi, hammayoq ko'm-ko'k libosga burkangan, kishining bahridili ochiladi. Atrofdagi chuchmoma, gunafshalarni aytmaysizmi, darrov bolalarni o'ziga rom qilib oldi. Chug'urlashganlaricha gul terishga tushib ketishdi. Karimning ham quvonchi behad. Chunki u tabiatni juda sevadi. Kim bilsin, balki otasining tabiat o'qituvchisi bo'lgani uchundir. Balki u ham akasi singari tabiat sirlarini o'rganuvchi geolog bo'lmoqchidir.
Nuqtaning degani
Orif To‘xtash
– Men nuqtaman,
Men nuqta.
O‘rgan avval
Sen puxta.
Gaplarning
Har birida,
Shay turgum
Oxirida.
Qizil shapkacha
Sharl PERRO (Fransiya)
Bor ekan, yo'q ekan, bir qishloqda jajjigina bir qizcha bor ekan. U, dunyoda tengi yo'q, juda yoqimtoy ekan. Buvisi unga tug'ilgan kuni sharafiga bitta qizil shapkacha sovg'a qilibdi. Qizcha qayoqqa borsa, shu chiroyli, yangi qizil shapkachasini kiyib borar ekan. Qo'ni-qo'shnilar uni ko'rganda: "Ana, qizil Shapkacha kelyapti!" — der ekanlar.
