Saida Zunnunova
Yer uzra qo'ndi oqshom,
Oy shu'lasi bir mayin.
Kel, oppog'im, kel, erkam,
Men seni allalayin.
Sen ona…
Alisherga alla aytib uxlatgan
Sen — ona.
Og’ushida Bobur kamolga yetgan
Sen — ona.
Buzoq
Shukur Sa’dulla
Men buzoqman, buzoqman,
Shoxim chiqqan — suzoqman.
Lekin yumdalab tortmang,
U yon-bu yonga otmang.
Ayiq
Shukur Sa’dulla
O‘rmonda bo‘lganmisiz?
Ayiqni ko‘rganmisiz?
Ustida po‘stini bor,
Pisand emas unga qor.
Ninachi
Shukur Sa’dulla
Bog‘da uchar ninachi,
Gulni quchar ninachi.
Biram chiroyli, qarang,
Qanotlari rang-barang.
To‘p
Zafar Diyor
To‘pim, to‘p-to‘p etasan,
Ursam uchib ketasan.
Havolanib nariga —
Do‘stlarimga yetasan.
Kapalak
Zafar Diyor
Hoy, kapalak, kapalak,
Qanotlaring ipakdak.
Muncha shoshib uchasan,
To‘xta, so‘zlayin andak.